நீங்கள் தேடியது "மோட்டார் சைக்கிள் விபத்து"

மேலூர்

மதுரை மாவட்டம் மேலூர் அருகே புலிப்பட்டியை சேர்ந்தவர் வீரணன் (40). இவர் கீழவளவு அருகே சருகு வலையபட்டியில் நடைபெற்ற ஒரு திருமண நிகழ்ச்சிக்காக தனது மோட்டார் சைக்கிளில் சென்று கொண்டிருந்தார்.

அப்போது திருவாதவூரை சேர்ந்த உறவு பெண் சின்னப்பொண்ணு என்பவரை தன்னுடன் அழைத்துச் சென்றுள்ளார்.

அவர்கள் மேலூர் அருகே கீழையூர் என்ற இடத்தில் சென்றபோது முன்னால் சென்ற காரை முந்த முயன்றனர். அப்போது எதிரே வந்த அரசு பஸ் மீது ேமாட்டார் சைக்கிள் மோதியது. இதில் 2 பேரும் படுகாயம் அடைந்தனர். அவர்களை பொதுமக்கள் மீட்டு மதுரை அரசு ஆஸ்பத்திரிக்கு அனுப்பிவைத்தனர். அங்கு சிகிச்சை பலனின்றி சின்னப்பொண்ணு பரிதாபமாக இறந்தார்.

இந்த விபத்து குறித்து மேலூர் டி.எஸ்.பி. ஆர்லியஸ் ரெபோனி, இன்ஸ்பெக்டர் சார்லஸ் ஆகியோர் வழக்குப்பதிவு செய்து விசாரணை நடத்தி வருகின்றனர்.

கன்னியாகுமரி:

தக்கலை அருகே உள்ள திருவிதாங்கோடு மல்லன் விளையைச் சேர்ந்தவர் அனீஸ் (வயது 29.

இவர் கடந்த மாதம் 3-ந் தேதி தனது நண்பர் கோட்டுவிளையைச் சேர்ந்த ரெஜின் (21) என்பவருடன் மோட்டார் சைக்கிளில் தக்கலை நோக்கிச் சென்றார்.

கேரளபுரம் இசக்கி யம்மன் கோவில் அருகே சென்ற போது, எதிரே தக்கலை மக்காபாளையம் சாகுல் அமீது என்பவர் மோட்டார் சைக்கிளில் வந்து உள்ளார்.

எதிர்பாராதவிதமாக 2 மோட்டார் சைக்கிள்களும் நேருக்கு நேர் மோதிக் கொண்டன. அப்போது அங்கு வந்த கேரளபுரம் கண்ணன் மோட்டார் சைக்கிளும் இந்த விபத்தில் சிக்கியது.

இதில் அனீஸ், சாகுல் அமீது, கண்ணன் ஆகியோர் காயம் அடைந்தனர். அவர்கள் சிகிச்சைக்காக நாகர்கோவில் ஆசாரி பள்ளம் அரசு ஆஸ்பத்திரியில் அனுமதிக்கப்பட்டனர்.

விபத்து குறித்து சாகுல் அமீது கொடுத்த புகாரின் பேரில், தக்கலை போலீ சார் வழக்குப் பதிவு செய்து விசாரணை நடத்தினர். இந்த நிலையில் ஆஸ்பத்திரியில் சிகிச்சையில் இருந்த அனீஸ் இன்று காலை பரிதாபமாக இறந்தார்.

உடன்குடி:

ஆறுமுகநேரியைச் சேர்ந்தவர் மகராஜன் (வயது 33). இவர் குரும்பூரில் பூக்கடை நடத்தி வந்தார். இவருக்கு திருமணமாகி வனப்பிரியா என்ற மனைவியும், 3 குழந்தைகள் உள்ளனர். சம்பவத்தன்று இவரது உறவினர் சத்யராஜ் என்பவருடன் உடன்குடி அருகே உள்ள குலசேகரன்பட்டினம் முத்தாரம்மன்கோவிலுக்கு சாமி கும்பிட மோட்டார் சைக்கிளில் வந்தனர். அவர்கள் கல்லாமொழி அருகே வந்த போது உடன்குடி பதுவைநகரைச் சேர்ந்த ஜேசுராஜ் (35) என்பவரது பைக் நேருக்கு நேர் மோதியது.

இதில் தூக்கி வீசப்பட்ட மகராஜன் பலத்த காயமடைந்தார். அவரை மீட்டு தூத்துக்குடி அரசு மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி நேற்று பரிதாபமாக உயிரிழந்தார். 

இதுகுறித்து குலசேகரன்பட்டினம் போலீசார் வழக்குப்பதிவு செய்து விசாரணை நடத்தி வருகின்றனர்.

பேரையூர்:

விருதுநகர் மாவட்டம், மந்திரி ஓடை பகுதியைச் சேர்ந்தவர் முத்துக்கருப்பன் (வயது 42). விறகு கடை நடத்தி வந்தார். இவரது நண்பர் கணேசன் (42) ஆடு வியாபாரி.

நேற்று 2 பேரும் ஆடு வாங்குவதற்காக மோட்டார் சைக்கிளில் புறப்பட்டனர். திருமங்கலம் அருகே உள்ள பாரபத்தியில் ஆடுகளை வாங்கிவிட்டு மீண்டும் ஊருக்கு புறப்பட்டனர்.

அவர்கள் 4 வழிச் சாலையை கடக்க முயன்ற போது அந்த வழியே அருப்புக்கோட்டை- சென்னை இடையேயான தனியார் பஸ் வந்தது. அந்த பஸ் எதிர்பாராத விதமாக மோட்டார் சைக்கிள் மீது மோதியது.

இதே விபத்தில் முத்துக்கருப்பன் மற்றும் கணேசன் தூக்கி வீசப்பட்டனர். சாலையில் ரத்த வெள்ளத்தில் கிடந்த அவர்களை அக்கம் பக்கத்தினர் மீட்டு ஆஸ்பத்திரிக்கு அனுப்பி வைக்க முயன்றனர்.

ஆனால் சம்பவ இடத்திலேயே முத்துக்கருப்பன் பரிதாபமாக இறந்தார். கணேசன் காயத்துடன் மதுரை அரசு ஆஸ்பத்திரியில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்படுகிறது. விபத்து குறித்து கூடக்கோவில் போலீசார் வழக்குப்பதிவு செய்து விசாரணை நடத்தி வருகின்றனர்.

பலியான முத்துக்கருப்பனுக்கு, மகாலட்சுமி என்ற மனைவியும், ஒரு மகனும், ஒரு மகளும் உள்ளனர்.

கோபி:

கோபி அடுத்த கரட்டூர் மேடு அத்தாணியை சேர்ந்தவர் முத்துசாமி(வயது 42) கட்டிடத் தொழிலாளி. இவர் நேற்று இரவு தனது மோட்டார் சைக்கிளில் அரசூர்-நம்பியூர் ரோட்டில் சென்று கொண்டிருந்தார்.

அப்போது திடீரென நிலை தடுமாறி மோட்டார் சைக்கிளுடன் ரோட்டரோம் உள்ள பள்ளத்தில் தவறி விழுந்தார். அந்த பள்ளத்தில் தண்ணீர் சென்று கொண்டிருந்தது.

இதில் முத்துசாமி சம்பவ இடத்திலேயே தண்ணீரில் மூழ்கி பரிதாபமாக இறந்தார்.

இது பற்றி தகவல் கிடைத்ததும், சம்பவ இடத்துக்கு போலீசார் சென்று, முத்துசாமி உடலை மீட்டு பிரேத பரிசோதனைக்காக கோபி அரசு ஆஸ்பத்திரிக்கு அனுப்பி வைத்தார்.

மேலும் இது குறித்து போலீசார் வழக்குபதிவு செய்து விசாரனை நடத்தி வருகிறார்கள்.